martes, 29 de marzo de 2016

A titulación das hipotecas - Compendio de vídeos onde queda explicado polo miúdo o que significa, a orixe e as consecuencias da titulación hipotecaria


Avogados da PAH de Gipuzkoa acoden a defender a unha compañeira de Stop Desafiuzamentos da Coruña

Avogados da PAH de Gipuzkoa acoden a defender a unha compañeira de Stop Desafiuzamentos da Coruña. | A activista polo dereito a vivenda, Sandra, ten unha vista sobre a súa execución hipotecaria o vindeiro 30 de Marzo

A nosa compañeira Sandra estase a defender dos abusos do Banco Santander e os avogados da PAH de Gipuzkoa serán os que a representen na vista que terá lugar o vindeiro 30 de marzo ás 11.30 horas no Xulgado número 11 da Coruña. Sandra atópase actualmente nun proceso de execución hipotecaria e nesta vista os seus letrados terán a oportunidade de argumentar por que este proceso ten que ser sobreseído.

A hipoteca de Sandra ten cláusulas altamente abusivas e se comercializaba co nome de Hipoteca Tranquilidad. Porén este produto tiña xa un nome enganoso e, na prática, fai que se combine un tipo de interese fixo durante 10 anos, que logo pasa a ser variable, cun sistema de amortización de cota crecente. Non obstante, o que non explicaba o banco era que nos primeiros anos non se amortizaba case capital (praticamente se aboan soamente intereses) mentres que a cota pagada aumentaba, chegando a haber  casos nos que de 80.000 € pagados só 10.000 son de amortización de capital. No estado existen xa diversos grupos de afectadas que se están a organizar e loitar contra ese plan especialmente abusivo.

Outra das cláusulas que contén a hipoteca de Sandra é a de vencemento anticipado que fai que calquer impago o banco poda dar por finalizado o contrato da hipoteca e iniciar un proceso de execución (e con isto de expulsión da afectada do seu fogar) Esta cláusula, que normalmente soe ser a sexta bis do contrato, é considerada abusiva porque desequilibra aínda máis a relación entre banco e hipotecado xa que o banco pode dar por concluída a relación por un impago que non supón un incumprimento grave en relación a cuantía e duración do préstamo.

O noso colectivo segue pensando que, aínda que nos detemos nas distintas prácticas abusivas que exercen comunmente os bancos, a construción do dereito á vivenda non ten que estar baseado na propiedade senón na habitabilidade e o valor de uso. Por isto queremos lembrar que seguimos a reclamar decisións políticas que aseguren o dereito á vivenda nun estado no que hai tantas vivendas baleiras e un parque público tan reducido.

NIN CASAS SEN XENTE, NIN XENTE SEN CASA!

 A Coruña, 29 de Marzo de 2016.
--
Stop Desafiuzamentos d'A Coruña
desahucios.coruna@gmail.com
stopdesahuciosacoruna.blogspot.com
@desahuciocoruna
Facebook

|||||||||||||||||||

luns, 28 de marzo de 2016

Stop Desafiuzamentos de Ourense demanda ante o Instituto Galego de Vivenda e Solo un trato digno para as mulleres vítimas de violencia machista.

CONCENTRACIÓN DE DENUNCIA, NO IGVS, O TRATO DADO AS VÍTIMAS DE VIOLENCIA XENERO.

O colectivo stop-desafiuzamentos Ourense chama, nesta ocasión dun xeito especial, a cidadanía de Ourense a participar nunha concentración que faremos diante do I.G.V.S (Instituto Galego de Vivenda e Solo) mañá luns 21 ás 12:00h da mañá  para denunciar e facer público un xeito de violencia que o sistema exerce contra as mulleres xa vítimas de violencia machista.

En outras ocasións chegaron o colectivo mulleres nesta dramática situación; logo de denunciar as súas exparellas por malos tratos, vense en situación extremas, algunhas veces con menores a cargo, por non dispor dunha vivenda estable e carecer de recursos suficientes  para garantir o pago dun aluguer. O feito de ter menores o seu cargo e poder perder a tutela, ou o medo a súa exparella impídelles facer pública a súa situación.

Nesta ocasión o 10 de marzo, despois de darlle o noso contacto Cruz Vermella, chámanos unha muller, vítima de violencia de xénero, sen apoio familiar algún, con un fillo menor con con autismo e dependencia recoñecida de Grao III.

Logo de esquecerse de selar, no mes de novembro de 2015, a tarxeta do INEM, deixa de percibir a única axuda, unha RAI. Dende esta data non pode de pagar o aluguer da vivenda onde reside, acumulando  5 meses de impago.O luns 14 de marzo de mañá presentamos escrito no Concello de San Cibrao das Viñas e reunímonos co Alcalde para derlle traslado en persoa da situación desta muller. Fainos saber que xa coñecen o caso e que eles non poden facer ren. Tamén o mesmo día presentamos escrito no IGVS,  temos unha xuntanza coa Delegada Territorial para expoñerlle en persoa o caso.

O mesmo día 14 pola tarde a nosa compañeira decide abandoar a vivenda para non causar máis perxuizos o propietario, destacamos o comportamento respectuoso e comprensivo do mesmo e da súa avogada, e tamén para manter o maior anonimato posible para que non chegue a súa exparella. As pertenzas da mudanza son almacenadas na casa dun compañeiro do colectivo e vaise a casa dunha persoa que coñece que a acolle por unha semana.

O día 15 volta a outra reunión coa Xefa de Area e coa Delegada do IGVS, acompañada por outras compañeiras do colectivo. O venres día 18 concentrámonos espontaneamente diante do IGVS e voltamos a ter unha bronca reunión (faltóusenos o respeto nada máis sentarnos na mesa) para expoñerlle que esa mesma tarde esta muller e o seu fillo quedaban na rúa. En todas as ocasións no IGVS se nos da traslado da falta de recursos, e que xa están co caso, pero ningunha solución de emerxencia, a máis próxima, de habela, para dentro de un mes ou mes e medio.

. O día 18 pola tarde  ten que deixar a vivenda da perosa que a acolleu. Tivo que ser o colectivo Stop-Desafiuzamentos quen, grazas a solidaridade de outra compañeira do colectivo,  procurou provisionalmente unha vivenda esta muller.

Logo de suspendérenlle RAI, a día de hoxe, so percibe unha axuda de 193€, que cobra dende xaneiro, pola dependencia do seu fillo  a espera de recuperar a RAI son os únicos ingresos dos que dispón. Neste momento non ten ningún lugar onde vivir nin dispón das posibilidades económicas para afrontar un aluguer.

Queremos denunciar:

O desleixo do Concello de San Cibrao das Viñas e da Xunta de Galicia, que ten competencia exclusiva en materia de vivenda, no trato dado a unha muller nesta situación e consideramos que é outro xeito de violencia, niste caso institucional. Xustifícanse as administracións na falla de recursos, nos aseguramos que si hai recursos,  por todos é coñecido, que son espoliados por autenticas mafias corruptas e no rescate do sistema financeiro intricado nas mesmas. Unha vez máis observamos o rigor coas familias e a laxitude en perseguir e castigar os que rouban os recursos de todas.

Que se esteña permitindo, durante o todo o Goberno de Mariano Rajoi, outro segundo nivel especulativo, facilitando que fondos voitres estean a mercar  vivendas sociais que se apalacan no Banco Malo, a SAREB, sen darlles uso, a espera de altas rendibilidades. Que se Sanee os balances dos bancos, rescatandos con diñeiro público dos nosos impostos, mentres familias e mulleres maltratadas se ven competindo por recursos básicos para a subsistencia. ¡ESTO É VIOLENCIA!

Demandamos:

- Que as diferentes administracións Concello e IGVS cumpran coa súa obriga constitucional, de facer efectivo o dereito a vivenda digna, e proporcionen de xeito inmediato unha vivenda social a prezo axeitado para esta compañeira.

- A Xunta de Galicia e o Goberno Español que a política de vivenda se encare de maneira urxente, dende a perspectiva dos dereitos fundamentais recollida no Titulo Primeiro da Constitución Española e non dende a perspectiva dos Principios Reitores da Política Social e Económica da capitulo III, como se está a facer. Esiximos polo tanto o abandono do uso mercantilista da vivenda.

- Que se implementen protocolos efectivos para que  mulleres en situación de violencia machista recoñecida se lles proporcione de xeito inmediato vivendas de alugueiro social.

- Os concellos unha maior coordinación inter-administrativa que detecte posible erros,  para poder correxilos, de xeito que non se chegue estas situacións dramáticas.

Ourense, a 20 de marzo de 2016

Stop-Desafiuzamentos Ourense
stopdesahuciosourense@gmail.com
http://stopdesafiuzamentosourense.blogspot.com.es/
https://www.facebook.com/STOP-DESAHUCIOS-OURENSE-310140959036554/

|||||||||||||||||||||||

sábado, 5 de marzo de 2016

Encontro de traballo de Plataformas de Afectad@s pola Hipotecas e de Stop Desafiuzamentos de Galiza no concello de Riveira


Este vindeiro sábado, día 5 de Marzo de 2016, e a partires das 17:00 horas, terá lugar, nos locais do Liceo Marítimo de Riveira, un importante Encontro de Traballo entre todas as Plataformas de Stop Desafiuzamentos e PAHs (Plataformas de Afectad@s pola Hipoteca) de Galicia para falar sobre distintos aspectos das oposicións ás execucións hipotecarias, cláusulas solo, intereses abusivos, etc ...

O recoñecido auditor de contas, economista e perito xudicial, D. Julio César Calvo Malvar, disertará sobre os aspectos importantes dos informes económicos que deben acompañar ós escritos de oposición as execucións hipotecarias de cara a conseguir o sobresemento ou a nulidade das propias demandas xudiciais, por parte das entidades financeiras. A responsable da Área Social da Deputación de A Coruña, Dna. Ánxela Franco, falará sobre as axudas para aluguer, infravivendas e outras cuestións sobre vulnerabilidade e exclusión social,  así como o avogado, D. Manuel Dios, que falará sobre a súa experiencia en procedementos de desafiuzamentos. Así mesmo o voceiro da Plataforma do Barbanza, José Manuel Pena, falará dos logros conseguidos, pola Plataforma, ao longo destes case catro anos grazas á colaboración dos economistas, avogados e diferentes profesionais que colaboran directamente, e de maneira altruísta, coa Plataforma.

Unha aperta !!!

4 de Marzo de 2016 13:18
27 de Febreiro de 2016 19:43

Plataforma "Stop Desahucios" Barbanza
jose manuel pena
j.mpena@hotmail.com

||||||||||||||||||

luns, 11 de xaneiro de 2016

Diante dos Xulgados de Ferrol tivo lugar unha concentración de apoio a Marcos Guerreiro e contra os abusos bancarios, mentres se celebraba unha vista oral pola demanda contra a financeira UCI


Mentres se celebraba unha vista oral no Xulgado de Instrucción nº4 de Ferrol, pola demanda interposta por Marcos Guerreiro contra a financeira UCI (Unión de Créditos Inmobiliarios), entidade participada polo Banco Santander e BNP (Banca Nacional de Paris), diante do edificio dos Xulgados de Ferrol tivo lugar unha concentración de apoio ao compañeiro Marcos e contra os abusos bancarios.


A vista oral de hoxe 11 de xaneiro de 2016, trataba sobre unha demanda contra a aplicación do índice de referencia de préstamos hipotecarios (IRPH) presentada por Marcos Guerreiro, contra a financeira UCI, entidade coa que ten subscrito un contrato de préstamo hipotecario. Despois da vista oral de hoxe, onde as partes presentaron a documentación e expuxeron os seus argumentos ante a demanda, o xuízo quedou fixado para o vindeiro 23 de Febreiro, ás 12:30hs.

Concentración

O mesmo Marcos Guerreiro, convocou unha concentración diante do edificio dos Xulgados de Ferrol, apoiada pola Plataforma de Afectad@s pola Hipoteca (PAH) de Ferrol e Comarca e Stop Desafiuzamentos da Rede de Apoio Mutuo de Ferrol Terra, á convocatoria sumaron-se as Marchas da Dignidade e tamén participaron o Alcalde e concelleir@s da corporación municipal de Ferrol (Jorge Suárez, Iván Rivas, Beatriz Sestayo, Álvaro Montes, Eva Espiñeira, ...), e membros das organizacións políticas BNG, Ferrol en Común, PSdeG-PSOE, e a deputada de En Marea recen elixida Yolanda Díaz. Concentración contra a estafa e os abusos bancarios, e que reivindicaba o dereito a unha vivenda digna e adecuada.

Marcos Guerreiro explicou o seu propio calvario hipotecario que ven relatando aos medios de comunicación e a políticos de referencia que participaron na recente campaña electoral, ao cal lles pedía un cambio lexislativo que evitara as estafas e abusos bancarios e protexera ás persoas fronte ás grandes corporación financeiras. E agradeceu o apoio recibido na súa loita contra a estafa do IRPH (Índice de Referencia de Préstamos Hipotecarios) que é un índice opaco e manipulábel como así recoñece o propio Banco de España, mais que o segue mantendo como un dos índices de referencia para os contratos hipotecarios. O propio Marcos denunciaba que a súa hipoteca, a pesar de pagar, seguía subindo, mesmo que pedindo 116.000 euros chegou a deber 121.000.

Enlace de referencia:

Relato e enlaces de interese | Xuízo en Ferrol, este 11 de Xaneiro, contra a financeira UCI (Banco Santander e BNP), polo abusivo índice hipotecario IRPH | 09.01.2016 | Ir a post no noso sitio.

A nova nos medios:

* IRPH: Feita a hipoteca, feita a trampa. | Interesante artigo de Marcos Pérez Pena | Praza Pública. | 11.01.2016 | Ir á Web.

* Vista oral nun xulgado de Ferrol. | Denuncia a aplicación dun índice "opaco" no seu préstamo hipotecario. | O xuízo, fixado para o 23 de febreiro, trala concentración de apoio e en protesta contra as prácticas da financeira. | E.P. FERROL | El Correo Gallego | 11.01.2016 19.05h. | Ir à Web.

* Concentración ante unha denuncia contra entidades bancarias por abuso hipotecario. | Galicia Ártabra Digital | 11.01.2016 | Ir à Web.

* Díaz sinala en Ferrol que casos como o de Marcos Guerreiro "mostran estafa" | Luns, 11 Xaneiro 2016 16:16 | Noticias Galicia | Ir à Web.

|||||||||||||||||||

sábado, 9 de xaneiro de 2016

Xuízo en Ferrol, este 11 de Xaneiro, contra a financeira UCI (Banco Santander e BNP), polo abusivo índice hipotecario IRPH


A PAH de Ferrol e Comarca e Stop-Desafiuzamentos da Rede de Apoio Mutuo de Ferrol Terra, amosaron o seu apoio a Marcos Guerreiro, contra o abuso bancario e polo dereito a unha vivenda digna e adecuada, participa acompañando ao compañeiro, nunha concentración este luns 11 de xaneiro, diante dos xulgados de Ferrol, ás 13:00hs, (Rúa Coruña 53-55) o xuízo terá lugar no Xulgado de Primeira Instancia Nº 4 - 1º Andar.

Este luns 11 de Xaneiro de 2016, vai ter lugar un xuízo en Ferrol, contra a financeira UCI (Unión de Créditos Inmobiliarios), pertencente ao Banco Santander e BNP (Banca Nacional de Paris). O xuízo contra UCI, responde á demanda interposta por Marcos Guerreiro, un obreiro metalúrxico que como outros miles de traballadores estaba empregado na industria auxiliar do sector naval da Ría de Ferrol que está atravesando unha crise histórica. Que para a compra da súa vivenda solicitou en 2006 ao Banco Santander, a través da Unión de Créditos Inmobiliarios (UCI), un préstamo por valor de 116.000 euros e actualmente, nove anos e 50.000 euros despois, debe 116.300 euros. Unhas contas imposíbeis, que só se lle poden atribuír "a intereses usureiros", explica Marcos ao Diario de Ferrol nunha entrevista que foi publicada o pasado 15 de decembro. A demanda de Marcos é contra as cláusulas abusivas no contrato hipotecario, ao aplicar-se-lle perante anos o índice hipotecario IRPH (Índices de Referencia de Préstamos Hipotecarios) [1], que mesmo na actualidade está máis de dous puntos por encima do euribor (2,078).

O IRPH volveu a subir en Decembro de 2015, por segundo mes consecutivo (2,132+0,005:=2,137). A subida é mínima, tan só de 0,005 puntos, pero destaca o feito de que mentres que o Euríbor segue caendo (nun mes pasa de 0, 079 a unha media provisional de 0,059, o 26 de decembro de 2015) e achegándose a cero o IRPH parece estancado e até sobe algunhas milésimas.

Ao subir o IRPH durante dous meses consecutivos á vez que o Euríbor segue perdendo posicións mes a mes, conduce evidentemente a un aumento da diferenza entre ambos índices hipotecarios. Si fai dous meses e tamén o mes anterior, a diferenza entre ambos se situaba por baixo de 2 puntos, agora no mes de decembro, supéraos claramente, concretamente no mes de novembro de 2015 había unha diferenza de 2,053 puntos. Agora, en decembro pasado, son 2,078 puntos de diferencia (2,137-0,059= 2,078) .

O euribor alcanzou durante este ano un mínimo histórico, pechando o ano, con 0,59 puntos. Unha tendencia que, segundo os analistas, manterase o próximo ano e que relaxou os pagos hipotecarios de millóns de familias en todo o Estado. Non é o caso de Marcos Guerreiro, cuxos intereses establecen-se en base ao Índice de Referencia de Préstamos Hipotecarios (IRPH).

Segundo o que conta Marcos ao xornal comarcal ferrolán, actualmente está pagando un 2,81%, máis o 0,65% polo diferencial "algo así como a cualificación crediticia que fai a entidade financeira do prestatario". En total, case dous puntos e medio por encima do euribor. Iso significa que dos 473 euros que paga todos os meses, ... "só 200 corresponden á amortización da hipoteca" ... "Dous anos logo de asinar o contrato, advertín que as letras non só non baixaban, como me dixeron na UCI, senón que subían drasticamente", ... "Cheguei a deber 4.000 euros máis do que asinara", ...

Marcos Guerreiro , segundo explica no Diario de Ferrol, demandou á UCI esixindo a devolución de 39.000 euros "polo que considera intereses abusivos" e a nulidade da cláusula que contempla este IRPH. Marcos asegurou que o que lle explicou o asesor financeiro da UCI "non ten nada que ver co que sucedeu despois" ... "Ninguén asinaría unha cláusula que lle obrigue a pagar máis. Está claro que me enganaron", comenta.

Parece ser que nun principio a entidade financeira intentou desviar a demanda ao Xulgado Mercantil da Coruña, mais finalmente farase cargo do caso o xulgado de primeira instancia número 4 de Ferrol. Será a primeira demanda deste tipo que chegue aos tribunais ferroláns e unha das primeiras en Galiza.

En todo o Estado, existen 1,3 millóns de afectados pola aplicación deste Índice de Referencia de Préstamos Hipotecarios (IRPH), "mais tan só hai 50 sentenzas favorábeis, malia que Galiza é a comunidade menos afectada, só dez de cada mil contratos hipotecarios conteñen esta cláusula. Aínda así, tan só en Ferrol afecta a máis de 400 persoas", publica o Diario de Ferrol, na mencionada nova.

E continua manifestado que "os bancos e caixas vendían eses índices como referencias moito máis estábeis que o euribor. Con todo, a evolución de ambos índices nos últimos tres anos puxeron de manifesto o contrario. Calcúlase que unha persoa que teña asociado este indicador ao seu hipoteca pagará 1.200 euros máis ao ano, no mellor dos casos".

Desde Stop-Desafiuzamentos da Rede de Apoio Mutuo de Ferrol queremos amosar a nosa solidariedade con Marcos Guerreiro, e chamamos a acompañar ao compañeiro o vindeiro luns 11 de xaneiro, diante dos xulgados de Ferrol, ás 13:00hs, contra os abusos bancarios, por unha outra lexislación hipotecaria e bancaria que teña en conta ás persoas primeiro e non os intereses das grandes corporacións financeiras.

Contra o abuso bancario !

Polo dereito a unha vivenda digna e adecuada!

[1]  Os Índices de Referencia de Préstamos Hipotecarios (IRPH) son indicador en porcentaxe que utilizan as entidades financeiras co que actualizan o tipo de interese das hipotecas con tipos de interese variábeis. O Banco de España publica mensualmente todos os índices a través dunha media das diferentes ofertas do mercado hipotecario que inscribiron os bancos e caixas de aforro. Mais o índice máis utilizado como referencia para as hipotecas a interese variable é o Euribor. | + Info .

[2] O Euribor o índice máis coñecido e utilizado polas entidades financeiras á hora de conceder préstamos hipotecarios, constitúe unha preocupación para moitas persoas que formalizaron unha hipoteca a interese variábel referenciada a ese índice, pois da súa evolución depende a cota mensual da súa hipoteca. O Euribor (Tipo europeo na oferta interbancaria) Este é o índice que deben utilizar os bancos pertencentes á Unión Monetaria Europea cando se prestan diñeiro. Gran parte das hipotecas están referenciadas a este índice. É importante sinalar que o Euribor é o tipo de interese que os bancos se cobran por prestarse diñeiro entre si. Calcúlase cada día pola Federación Bancaria Europea que convoca todas as mañás a 47 entidades bancarias para preguntar-lles, a que prezo están dispostas a ofrecer fondos? A federación recolle as propostas das entidades bancarias, elimina as que se superen por arriba ou por abaixo o 15% e co resto fai unha media aritmética. Esta media é o valor que cada día marca o Euribor. | + Info.

Enlaces de interese:

Agrupación de Afectad@s polo IRPH | Porque non queremos que nin ti nin ninguén máis sexa o próximo DESAFIUZADO. Porque queremos que o IRPH desapareza en todas as súas variantes e non sirva para afectar a máis familias. Porque o IRPH desapareza por ser abusivo. Revisa a túa escritura e si o teu índice de referencia é IRPH ... benvido. | Ir á Web.

Recentes sentenzas comezan a estimar a nulidade da fixación do IRPH como índice de referencia para calcular o tipo de interese dos préstamos hipotecarios, pois entenden que o mesmo é abusivo como consecuencia da inclusión nos préstamos con falta de transparencia sobre o seu funcionamento. | As Sentencias na sección Tribunais da web d@s compañeir@s da IRPH Stop Gipuzkoa, plataforma de afectados polo IRPH, que xurdiu dun grupo de traballo de Kaleratzeak Stop Desafiuzamentos (PAH) en Donostia. | Ir á Web.

INFORME IRPH | ANÁLISE CRÍTICA DO PROCEDEMENTO DE CÁLCULO DOS ÍNDICES IRPH, OU POR QUE DICIMOS QUE O IRPH É MANIPULABLE E FALTO DE TRANSPARENCIA. | J.E. - Donostia, 19-02-2014 | En formato pdf de 10 páxinas. | Acceder/Baixar.

||||||||||||||