[Actualizada o 13 de Marzo de 2013]
Stop-Desafiuzamentos de Ferrol Terra, xunto ao resto de plataformas da Galiza, acordamos somar-nos á Campaña "
Hai vidas en Xogo" que organizan as PAHs de todo o Estado, logo da presentación das case millón e medio de sinaturas en apoio da
Iniciativa Lexislativa Popular -ILP, e que esta
, superara o trámite en comisión, por mor da presión social, xa que estaba ameazada pola postura intransixente do Partido Popular -PP que anunciara o seu voto desfavorábel a facilitar este trámite institucional.
Estamos convecid@s de
que imos conseguir cambiar a lexislación hipótecaria. Da-nos a razón o Tribunal de Xustiza da UE e a maioría da poboación. Cerralleiros e bombeiros manifestan publicamente que non están dispostos a colaborar nos despexos. Consideramos que coa presentación da ILP esgotan-se as vías legais para modificar unha lei. É hora de que @s parlamentari@s respondan ás demandas do consenso popular e se deixen de respresentar aos intereses das entidades financeiras e pasen a obedecer á cidadanía que demanda xustiza. Agora iniciamos unha campaña en dúas fases, dirixida a nivel particular a cada parlamentari@, para que se faga eco das demandas da inmensa maioría da sociedade, apoiando ás medidas de mínimos da ILP, para que se incluan no corpo lexislativo e remate con esta inxustiza. Por iso veñen a conto os botóns verde e vermello da campaña, que utilizan as súas "señorías" para votar.
A nivel galego, xuntamos-nos : PAH Vigo/Tui/Baixo-Miño, Stop Desafiuzamentos Lugo, Stop Desafiuzamentos-ALPA Vilagarcía, Stop Desahucios Coruña, Stop Desafiuzamentos Ourense, Stop Desafiuzamentos Compostela, Stop Desafiuzamentos Barbanza, PAH Morrazo e Stop-Desafiuzamentos de Ferrol Terra da Rede de Apoio Mutuo, para adherir-nos á campaña das PHAs: “SE ELES NON QUEREN OUVIR TEREMOS QUE ACHEGARNOS PARA QUE ESCOITEN”
Estamos enviando-lles cartas a tod@s parlamentarios do Partido Popular para informar-lles das consecuencias que tería o seu voto contrario a ILP. Nun principio decimos-lles que se acheguen ás nosas xuntanzas, para que vexan o problema ao vivo. Queremos que o maior número de persoas posíbel envíe esta carta.
Logo, no caso de que non veñan, seremos nós quen nos acheguemos a eles para que nos escoiten.
Este é o listado de persoas ás que lles diriximos as cartas: Ana Pastor Julian,Telmo Martín Gonzalez, Paz Lago Martínez, Juan de Dios
Ruano Gómez, Marta González Vázquez, Trístana Maria Moraleja Gómez,
Antonio Pérez Insua, Antonio Eiras Reí, Joaquín María García Díez, Maria
Iglesias Fontál, Jaime Olano Vela, Guillermo Collarte Rodríguez, Celso
Delgado Arce e Belén Vazquez Blanco.
A principios de Abril terá lugar unha xuntanza de coordinación de todas as plataformas en Compostela.
Carta aos diputad@s do PP
Esta carta vai ser enviada a cada deputad@ do Partido Popular a titulo individual.
Na Galiza imos enviar-lla a:
Ana María Pastor Julián (Actual Ministra de Fomento - n/c e-mail), Telmo Martín González <n/c e-mail> e Paz Lago Martínez <paz.lago@congreso.es> (Electos na circunscrición de Pontevedra).
Juan de Dios Ruano Gómez <juande.ruano@congreso.es>, Marta González Vázquez <marta.gonzalez@congreso.es>, Trístana Maria Moraleja Gómez <tristana.moraleja@congreso.es>, Antonio Pérez Insua <antoniop.insua@congreso.es> e Antonio Eiras Rey <antonio.erias@congreso.es> (Electos na circunscrición d'A Coruña).
Joaquín María García Díez <joaquingd@congreso.es>, Maria Olga Iglesias Fontal <olga.iglesias@congreso.es> e Jaime Olano Vela <jaime.olano@congreso.es> (Electos na circunscrición de Lugo).
Guillermo Collarte Rodríguez <guillermo.collarte@congreso.es>, Celso Delgado Arce <celso.delgado@congreso.es> e Ana Belén Vázquez Blanco <ana.vazquez@congreso.es> (Electos na circunscrición de Ourense).
Grupo Popular
Congreso de los Diputados
C/Floridablanca s/n - 28071 - MADRID
Nota.- Enviar por e-mail ou correo postal.
Enlaces á Carta en formatos:
doc,
odt e
pdf.
* * *
Esta é a campaña:
Campaña "Hai vidas en Xogo".
Campaña para que @s deputad@s coñezan por que teñen que votar favorablemente ás medidas da ILP hipotecaria.
Campaña "Hai Vidas en xogo"
(PAHdagoxía para os deputado)
A Plataforma de Afectad@s pola Hipoteca, xunto con outras organizacións
sociais e sindicais, impulsou en abril de 2012 unha Iniciativa
LeXislativa Popular (ILP) para levar ao Congreso dos Deputados unha
modificación da lei hipotecaria. Esta ILP recolle tres medidas que
consideramos de mínimos para garantir o dereito á vivenda no noso país:
dación en pago retroactiva, aluguer social e paralización dos
desafiuzamentos. Para iso, necesitabamos recoller máis de 500.000 firmas: no
mes de febreiro de 2013 pasouse a cifra do millón de firmas,
concretamente 1.402.854.
Malia iso, o Partido Popular anunciou que non ía aceptar a trámite a
ILP, pero minutos antes rectificaron pola alarma social xerada e a
presión social dos miles de persoas concentradas nas sedes do partido. A
partir de agora iníciase unha fase de tramitación que pode durar varios
meses até que se debata o proxecto de lei no Congreso (ver
, mais adiante, o calendario
e
diagrama).
Conseguir este número de firmas foi posible grazas ao esforzo enorme de
todas as PAHs, á solidariedade e dedicación dos centenares de cidadáns
que se comprometeron coa campaña e se fixeron fedatari@s, ao 15M, ás
organizacións e asembleas de barrio que participaron na recolleita de
firmas e levaron o debate e as propostas á rúa até convertelo nun clamor
popular. Estamos convencidos que todo este esforzo non foi en balde e
que imos conseguir cambiar esta lei inxusta. Nos últimos meses o
consenso para reformar a lei hipotecaria, que alcanzou cotas do 90%
entre a poboación segundo as enquisas, estendeuse até sectores como o
Tribunal de Xustiza da UE, os xuíces decanos do noso país, sindicatos de
policías e até asociacións de cerralleiros e bombeiros que se negan a
colaborar nos desafiuzamentos. Chegados a este punto, consideramos que coa
ILP esgotamos todas as vías posibles que o actual sistema ofrece para
modificar unha lei. Agora é a quenda dos políticos. É a quenda de
responder ás demandas da cidadanía e deixar de responder ao
ditado da
banca. É por iso que a PAH inicia unha campaña gradual dirixida a
informar e persuadir aos deputados dos partidos que manifestaron a súa
oposición ás medidas de mínimos da ILP para que presionen ao seu partido
e inclúanas. É por iso que os símbolos desta campaña son os botóns
verdes e vermellos que usan os deputados para votar as leis no Congreso.
A ter en conta para saber como levar a cabo e participar nesta campaña:
-
Esta campaña é para recordarlle aos deputad@s que o 90% da
cidadanía apoia as demandas da ILP, e que democracia é escoitar á cidadanía.
-
Esta é unha campaña de información cotiá para que os
deputad@s que dixeron que votarán en contra das medidas da ILP pola
dación en pago retroactiva, o aluguer social e a moratoria de despexos
coñezan de primeira man as consecuencias que o seu voto tería, para que
coñezan a realidade a que se ven abocadas as miles de persoas afectadas
pola hipoteca.
-
A PAH promove accións de denuncia e desobediencia civil pacíficas co obxectivo de cambiar unhas leis inxustas.
-
Le o protocolo de actuación para saber como participar na acción. Mira o kit da campaña para saber como sumarche.
Calendario da campaña
FASE #1: As súas Señorías, hai vidas en xogo (pahdagogía)
Durante as próximas semanas vanse a presentar enmendas a un Decreto
presentado polo Goberno no que poden incluírse as medidas presentadas na
ILP. Deste trámite se formalizará un proxecto de Lei que posteriormente
pasará ao Senado e ao Congreso onde se procederá ao seu votación (ver
máis abaixo). O noso obxectivo é que se garanta o dereito a unha segunda
oportunidade, que se acepten as demandas de mínimos incluídas na ILP.
Para iso lanzaranse tres liñas de acción que durarán ata que se
formalice este anteproxecto de Lei.
Carta aberta ás súas señorías onde se lles ofrece a asistir a
unha reunión da PAH. Creemos firmemente que os deputados atópanse cada
vez máis afastados da situación que viven miles de familias e é
necesario que escoiten os seus problemas e experiencias en primeira voz.
Sen este coñecemento básico da realidade non poden ter criterios para
lexislar de forma adecuada. A PAH invítalles a asistir ás súas reunións e
confrontarse cunha realidade á que son alleos e o futuro da cal pasa
paradoxicamente polo seu criterio. Invitámoslles a coñecer a realidade.
@s deputad@s do Partido Popular, que anunciaron que votarán en
contra das medidas, están negando a realidade. Faremos que non poidan
esconderse desa realidade.
Empapelaremos os seus barrios, lugares de lecer, traballo coas
medidas da ILP. Non permitiremos que non as teñan presentes día e noite.
Miles de comercios xa se mostraron de acordo coas medidas da PAH,
invitaremos aos comercios e establecementos a que mostren a súa
solidariedade colgando os carteis que conteñen as medidas. Si tes un
establecemento, non esperes a colgar o cartel e invitar a todo o mundo a
facelo. Descárgache o cartel aquí.
E si as súas señorías non van á PAH, a PAH vai a casa das súas
señorías. Coa actitude sempre pacífica, pero tamén persistente da PAH, propoñémonos explicarlles cada día aos deputados a
situación na que viven centos de miles de familias no noso país e a
necesidade de introducir as tres demandas de mínimos que contempla a ILP
no anteproxecto de Lei. Para iso, familias afectadas da PAH esperaremos
diante das vivendas dos deputados do Partido Popular, que ostenta a
maioría absoluta e do que depende os contidos desta Lei, para
proporcionarlle esta información e que lexislen con coñecemento de
causa.
Mentres tanto, continuamos interpelando ás súas señorías a través
das redes sociais. Queremos coñecer que posición van adoptar os
deputados daqueles partidos que aínda non se situaron claramente sobre
as tres medidas de mínimos da ILP: Partido Popular, Convergència i Uniu,
Unión Progreso y Democracia, Coalición Canaria, Partido Nacionalista
Vasco e Unión del Pueblo Navarro. A cidadanía estará atenta ás
súas decisións e esiximos coñecer que medidas van defender na Comisión
de Economía onde se van a trazar as liñas do futuro proxecto de Lei.
Para iso utilizaremos unha ferramenta (lailp.mepone.net) a partir da cal
poderedes mandar as vosas preguntas a través dos perfís de twitter das
súas señorías.
Estas accións acabarán cando se realice o relatorio público e se
formalice o anteproxecto de Lei. Si esta proposta de Lei consideramos
que é suficiente e dá resposta ao problema da débeda hipotecaria e ao
acceso a unha vivenda no sentido que se explica na ILP; si garante o
dereito a unha segunda oportunidade, darémola por acabada. Si pola
contra non é así, iniciaremos unha Fase #2 baixo o nome de "escraches"
na que procederemos a sinalar aos responsables de perpetuar esta
situación e que anunciaremos ao seu debido tempo.
As datas burocráticas da ILP
Diaograma da_Campaña en formato de imaxe -png- [Abre en xanela aparte]
-
Entrega de 1.402.854 firmas para a ILP pola dación en pago
retroactiva (o dereito a unha segunda oportunidade), o aluguer social, e
a moratoria dos desafiuzamentos.
-
05 de febreiro: comparecencia da portavoz da PAH, Ada Colau, na Comisión de Economía.
-
12 de febreiro: a presión cidadá obriga ao Partido Popular a votar a favor da tramitación da ILP hipotecaria.
-
19 de febreiro: tramítase a ILP no Congreso, empeza o proceso de enmendas.
-
A partir do 19 de febreiro: o prazo de enmendas prevese que dure
de dúas a tres semanas, pero só semana a semana saberase si alárgase ou
non.
-
Finalizado o prazo de enmendas, os grupos políticos negocias as
diferentes enmendas (non ai que perder de vista que o Partido Popular
conta coa maioría absoluta parlamentaria) e prodúcese o "relatorio
conxunto" na Comisión de Economía, na que se anuncia que enmendas foron
aceptas e cales rexeitadas.
-
O proxecto de lei viaxa ao Senado, onde os senadores poden presentar enmendas de novo.
-
Si no Senado presentan enmendas, o proxecto pasaría polo Congreso para ser votado.
-
Si non se presentan, o proxecto aprobaríase na Comisión de Economía.
FASE #2: Campaña de escrache: "Hai Vidas en Xogo".
Difusión do vídeo e/ou facer vídeos locais no mesmo sentido.
Afectados pola Hipoteca da PAH fan un chamamento aos Deputados do
Partido Popular para que escoiten as súas voces antes de tomar unha
decisión sobre a ILP, unha decisión que cambiará as súas vidas.
Todas as persoas que saen neste vídeo están en proceso de execución
hipotecaria. Algúns van perder as súas vivendas e outros xa foron
desafiuzados e están loitando pola condonación dunhas débedas que lles
condenan á miseria.
Agradecemos a Silvia González Laá, Iván Domínguez, Lluis Mestres, Xavi
Mestres, Joan Rodón, Albert Royo, Xavi Andreu e á Productora Mamma Team a
súa colaboración na realización deste vídeo.
Mira tamén o vídeo de Stop Desahucios Córdoba pedindo aos deputados que voten a favor das medidas da ILP.
Protocolo de Actuación
Primeiro de todo, moitas grazas por sumarche ao escrache! Esta acción está convocada pola Plataforma de Afectad@s pola Hipoteca (PAH) e ten como obxectivo sinalar a deputad@s de partidos políticos que manifestaron o seu rexeitamento a votar a ILP da PAH (ou non se pronunciaron) para modificar unha lei hipotecaria inxusta e que está provocando un drama social no noso país. Os puntos que inclúen a ILP, e que estes deputados/as rexeitan explícitamente ou por omisión, son:
i) a paralización dos desafiuzamentos, ii) dación en pago retroactiva e iii) aluguer social. É por iso que lles acusamos de ser cómplices da ditadura financeira que estamos padecendo e antepoñer os seus intereses económicos á da cidadanía por bloquear esta ILP.
Para iso concentrarémonos diante da vivenda do deputad@ con cacerolas, pitos, equipos de música, etc para que esta persoa non viva allea ás dramáticas consecuencias que o seu comportamento está ocasionando a miles de persoas e senta a incomodidade nos seus actos cotiáns (comprar o pan, ir ao traballo, ao cine, etc) xa que todo o vecindario estará informado por carteis e as diferentes manifestacións na porta da súa casa da súa actividade.
Durante esta acción, a PAH dispón de responsables para mediar coa policía e serán as únicas persoas lexitimadas para dirixirse a elas. A PAH tamén dispón de portavoces para dirixirse aos medios de comunicación. Podédesvos dirixir
a estas persoas si tedes dúbidas ou preguntas. Estas persoas informa
rán aos participantes de calquera incidencia e serán as que marcarán as pautas da acción.
As accións da PAH sempre son pacíficas e rexeitamos calquera agresión, verbal ou física. Recordar igualmente que é a PAH quen convoca aos medios de comunicación presentes, conscientes de que a solucións políticas da problemática pasan ineludiblemente pola visibilización do conflito. Esiximos un trato respetuoso cara aos xornalistas que se desprazaron para cubrir a noticia.
Moitas grazas e ánimos. Imos demostrarlles que unha vez máis xuntos/as, ¡si se pode!
|||||||||||||||||||
