venres, 8 de febreiro de 2013

"Non estas só" - O caso "La Caixa - Caixabank" en Febreiro de 2013


Abuso bancario - Malas prácticas - Engano - Venda de dereitos hipotecarios

"Non estas só", exercendo a solidariedade, pensando nos demais, sentímonos apoiad@s, é por iso que desde Stop-Desafiuzamentos, da Rede de Apoio Mutuo de Ferrol Terra, agrupamo-nos para defender-nos dos abusos bancarios, da estafa bancaria, dun sistema que non garantiza o "Dereito a unha Vivenda Digna".

A xerarquía establecida da banca convencional marca as directrices ao seu persoal de dirección, para garantir, máis e máis beneficios a unha banca con prácticas criminais, que se aproveita das nosas necesidades. O acceso a unha vivenda digna, non é un luxo, é un Dereito.

Dentro deste contexto, moitas persoas chaman buscando apoio, senten-se desprotexidas, sen amparo, con problemas económicos que lle dificultan o dereito á defensa. Nun escritorio dun banco, diante dunha mesa, alguén exerce o poder da "Banca" e ameaza co empobrecemento e a derrota moral, de quen debe e non pode facer frente ás cantidades, nos prazos acordados, e ve como esta débeda aumenta día a día, sen poder facer nada para impedir-lo, con intereses de demora abusivos, gastos xurídicos e outros. Exerce-se unha presión difícil de aguantar se estas só.

Uns dos xigantes da banca española

Levabamos, varios días de xestións, visitas e denuncias públicas, estabamos decidid@s a enfrentar-nos a uns dos xigantes da banca española "La Caixa - Caixabank", a cita era diante do número 152 da rúa Real de Ferrol.

Stop-Desafiuzamentos, convocou unha rolda de prensa diante das citadas oficinas. Tratábase de explicar a situación na que se ve inmersa unha familia da cidade á que a entidade bancaria comunicou por escrito que a entidade subscribiu un contrato de compravenda de dereitos de crédito a Fronteira Capital S.A.R.L, con sé en Luxemburgo. Trataba-se de acompañar á familia afectada a unha reunión co banco, para tratar de desbloquear outro problema suscitado coa negativa da entidade a cobrarlle o abono da hipoteca en tanto non fixese fronte a unha cantidade próxima aos 500 euros, por uns supostos gastos xudiciais que ao día de onte xa estaba máis próxima aos 600 euros. Todo un despropósito que o fan aumentar cada vez que te achegas ao banco, para amedrentarche ou facerche tolear de vez. As malas prácticas bancarias non só fan que a débeda aumente mes a mes polos abusivos intereses de demora, senón que baixo o epígrafe de gastos xurídicos, comezan a cobrar por outra banda.

O que foi

A familia solicitara un crédito hipotecario e esixíronlle dous avalistas, mais que o banco incorporou como parte dos beneficiarios do préstamo. O crédito foise pagando con normalidade até que chegou un momento de dificultade económica, por mor do desemprego que, como a moitas outras persoas, chegou a esta casa empobrecendo a economía familiar. Dirixiron-se ao banco, por iso das "boas prácticas bancarias", mais non houbo tal. Nese momento foi cando se coñeceron de que as persoas avalista, como case sempre maiores e pensionistas, tamén eran prestatari@s. Nada de renegociar o crédito  polo que comezou a abonarse con atraso, polo que tamén houbo que facer fronte aos intereses de demora.

A alarma salta cando, ademais de vender os dereitos hipotecarios a outra entidade, reclama sobre uns 500 euros, do que falabamos con antelación, por uns supostos gastos xurídicos e bloquean a súa conta. A familia está disposta a pagar, a mensualidade de xaneiro e os intereses de demora, como así ven facendo por máis dun ano de sufrimento e acoso bancario, mais non os gastos que a entidade manifesta, que son derivados de gastos xurídicos, foi a partir de entón que o banco se negou a cobrarlle o crédito, senón abonaba uns supostos gastos xurídicos.

Pódedese

Acompañamento, denuncias, mobilizacións, desobediencia civil, ...  son ferramentas do movimento social, da rede de Apoio Mutuo de Ferrol Terra. Denunciamos tamén ante o valedor do Pobo e o Instituto Galego de Consumo. A presión social conseguiu que o banco desbloqueara a conta, renunciara a cobrar os supostos gastos xurídicos e rescatara o crédito da empresa de Luxemburgo. Accedeu a cobrar as mensualidades do crédito atrasadas. Mais hai que estar atentos,  ... "Non estas só". Xunt@s e organizad@s, podemos !

||||||||||||