Si non se sentan, levantamos-nos - O sábado 3 de marzo terá lugar unha grande mobilización en Madrid en defensa da Lei de Vivenda da PAH - En Ferrolterra, como noutras comarcas da Galiza, concentraremo-nos o mesmo día, ás 12 do mediodía, na Praza Amada Garcia, diante do Edificio Administrativo da Xunta de Galicia en Ferrol

Acompañamos a Patricia e ás súas fillas á Audiencia Provincial - Os días 6, 7 e 8 de setembro celebrarase na Coruña o xuízo contra o “presunto” violador das súas tres fillastras e a súa filla cando estas eran menores de idade - Bankia iniciou o proceso de execución hipotecaria, proceso que non se paralizou porque o cotitular da hipoteca é o “presunto”, que tería que asinar a solicitude do código de boas prácticas e aceptar a demanda de Patricia de dación en pago e oferta de vivenda social

Obxectivo cumprido: acordo unanime para reorganizar e dar-lle un pulo á cordinación galega de PAHs e STOPs en defensa do dereito a unha vivenda digna - As Cinco das PAHs e STOPs da Galiza e as Eleccións Galegas do 25S

Este domingo 28 de Agosto, hai xuntanza da coordinación galega de PAHs e STOPs en Compostela: Reorganizando o movemento galego polo dereito a unha vivenda digna e adecuada

Encontro de traballo de Plataformas de Afectad@s pola Hipotecas e de Stop Desafiuzamentos de Galiza no concello de Riveira

Este vindeiro sábado, día 5 de Marzo de 2016, e a partires das 17:00 horas, terá lugar, nos locais do Liceo Marítimo de Riveira, un importante Encontro de Traballo entre todas as Plataformas de Stop Desafiuzamentos e PAHs (Plataformas de Afectad@s pola Hipoteca) de Galicia para falar sobre distintos aspectos das oposicións ás execucións hipotecarias, cláusulas solo, intereses abusivos, etc ...

O recoñecido auditor de contas, economista e perito xudicial, D. Julio César Calvo Malvar, disertará sobre os aspectos importantes dos informes económicos que deben acompañar ós escritos de oposición as execucións hipotecarias de cara a conseguir o sobresemento ou a nulidade das propias demandas xudiciais, por parte das entidades financeiras. A responsable da Área Social da Deputación de A Coruña, Dna. Ánxela Franco, falará sobre as axudas para aluguer, infravivendas e outras cuestións sobre vulnerabilidade e exclusión social,  así como o avogado, D. Manuel Dios, que falará sobre a súa experiencia en procedementos de desafiuzamentos. Así mesmo o voceiro da Plataforma do Barbanza, José Manuel Pena, falará dos logros conseguidos, pola Plataforma, ao longo destes case catro anos grazas á colaboración dos economistas, avogados e diferentes profesionais que colaboran directamente, e de maneira altruísta, coa Plataforma.

Unha aperta !!!

4 de Marzo de 2016 13:18
27 de Febreiro de 2016 19:43

Plataforma "Stop Desahucios" Barbanza
jose manuel pena
j.mpena@hotmail.com

||||||||||||||||||

As cinco propostas lexislativas das PAHs/STOPs da Galiza diante das Eleccións Xerais do 20 de Decembro

Tres anos despois de tentar cambiar a lei a través da ILP que o PP bloqueou coa súa maioría absoluta, e máis de 6 anos despois de autotutelar os nosos dereitos a diario parando desafiuzamentos, recollendo familias a través da Obra Social, arrincando dacións e alugueres sociais á banca, soportando multas, represión e unha campaña de estigmatización constante dende os poderes fácticos e políticos do Estado Español. As eleccións xerais abren a posibilidade dunha nova correlación de forzas que permita superar a complicidade da banca e as subministradoras cos gobernos do PP e o PSOE. Complicidade que ocasionou leis inxustas, estafas, desafiuzamentos e cortes de subministracións.

Dirixímonos a toda a cidadanía, para que coñeza estas demandas enmarcadas na campaña: Sen as 5 da PAH, Eu non vos voto:

1.- DACIÓN EN PAGO RETROACTIVA: Poñer fin ás débedas para sempre, a débedas ilexítimas, garantir o dereito para volver a empezar. Rescatemos a persoas, non á banca.

2.- ALUGUER ALCANZABLE: O aluguer como unha opción de vida segura, estable e a un prezo alcanzable.

3.- STOP DESAFIUZAMENTOS: Nin unha familia máis na rúa.

4.- VIVENDA SOCIAL: Poñer fin aos pisos baleiros en mans da banca creando un parque público de  aluguer. Non se entende que haxa xente sen casas e casas sen xente.

5.- SUBMINISTRACIÓNS GARANTIDAS: Non máis cortes de auga, luz e gas.

Son 5 demandas de mínimos, necesarias, urxentes, destinadas a rescatar á cidadanía. Desde 2009 puxemos propostas de solución sobre a mesa a todos os partidos e todos os niveis da Administración. Demostramos que perdendo o medo podiamos vencer a Bancos, financeiras e fondos voitres. Fomos nós quen en ausencia de gobernos valentes organizámonos e combatido polos nosos dereitos.

As PAH e colectivos Stop-desafiuzamentos Galegos presentamos no Parlamento Galego o día 10 de novembro estas 5 propostas lexislativas, dentro desta campaña que deu comezo en todo o estado o día 8 de setembro.

Recentemente comezamos a recibir propostas de reunións con formacións políticas. Dende os colectivos galegos, e dado que entramos de cheo nun ciclo electoral que comeza con eleccións Estatais ao Congreso e ao Senado, rematando en  primavera con unhas eleccións autonómicas queremos comunicar:

1º) As formacións políticas que se amosen sensibles coas 5 propostas da PAH, en política de vivenda, faránnolo saber por escrito antes do día 14 de decembro. Explicando no mesmo o nivel de compromiso con estas propostas.

2º) Os colectivos pah-stop galegos consideramos que as propostas lexislativas da PAH son razoables e asumibles por calquera formación política e as condicións que expoñemos tamén entran dentro da lóxica  preventiva dun colectivo cidadá que non quere ser utilizado en campaña  electoral para beneficio de ningunha formación política.

3º) Ante os presentes tempos electorais e partidarios, dende o colectivo das PAHs e STOP DESAFIUZAMENTOS galegas consideramos que participar nas presentes eleccións coma axente activo e sobre todo en forma de correa de transmisión publicitaria, non é o noso papel.

Recibide unha fraternal aperta.
NEN CASAS SEN XENTE, NIN XENTE SEN CASA.

30 de Novembro de 2015

PAHs/STOPs da Galiza

|||||||||||||||||

Presentación no Parlamento Galego dunha moción coas Esixencias PAHs/STOPs da Galiza que garantan mediante medidas básicas o dereito á vivenda digna e aos subministros básicos

O pasado 10 de Novembro, en Santiago de Compostela, realizou-se a presentación no Parlamento Galego dunha moción coas Esixencias das PAHs/STOP de Galiza para garantir, mediante unhas medidas mínimas, o dereito á vivenda digna e aos subministros básicos de subsistencia.

O acto consistiu no rexistro das Esixencias e o contacto no Parlamento Galego cos grupos do BNG e AGE, o mixto escusou a súa, para a presentación dunha Moción Parlamentaria que con carácter xeral esta-se a presentar, adaptado ás circunstancias en cada territorio, no conxunto do Estado  que é un documento de "Esixencias PAHs/STOP" que desenvolve estes cinco puntos:

1. Dación en pago retroactiva. Mecanismos de segunda oportunidade, condonación da débeda, liberar aos avales e eliminar as cláusulas abusivas.
2. Aluguer estable e asequíbel. Modificar a lei para que os contratos do aluguer sexan máis estables e seguros.
3. Vivenda accesible. Paralización dos desafiuzamentos e creación dun parque de vivenda público de vivenda a través da mobilización da vivenda baleira.
4. Subministros básicos garantidos. Evitar cortes e responsabilizar ás subministradoras.
5. Creación dun observatorio da Vivenda.

Moción Parlamentaria en formato pdf | Acceder/Baixar.

Si se Pode !! |Saúde e Vivenda Digna !!

||||||||||||||||||||

Xuntanza da Cordinación Galega das PAHs e STOPs en Compostela o vindeiro Sábado 29 de Marzo

Xuntanza da Cordinación Galega das PAHs e STOPs en Compostela o vindeiro Sábado 29 de Marzo, ás 17:00hs, nas Marías, San Clemente 32.

Acordou-se a seguinte orde do día colectivo para a Asemblea:

1.- Presentación de cada PAH/STOP, e propostas para a orde do día.

2.- Coordinación Galega. Calendario de reunións.

3.- Accións conxuntas e visibilidade nos medios.

4.- Actividades cos concellos e fronte aos concellos e aos servizos sociais.

5.- Información e conclusións prácticas da última Asemblea Estatal da PAH.

6.- ILP Galega.

Nota.-

Desde Ourense proponse:

Outro punto debería ser a inclusión dun ou dous membros por plataforma no grupo de traballo do facebook.

https://www.facebook.com/groups/223647704469462/?fref=ts

|||||||||||||||